Pronësim i komuniteteve fetare me tituj të regjistruar

Postuar më: 23 Prill 2017
Objektet e kultit, edhe dy dekada pas rindërtimit nuk u legalizuan. Janë 1028 objekte kulti prej vitesh në pritje të legalizimit, një proces që, ashtu si edhe për shtëpitë, është përshpejtuar në këto dy vite. Kryeministri Edi Rama vizitoi xhaminë në Bicaj të Kukësit, ku i dorëzoi myftiut të Kukësit certifikatën e legalizimit të kësaj xhamie dhe katër xhamive të tjera të zonës. Kryeministri nënvizoi se kjo është një problematikë e trashëguar dhe së cilës po i jepet zgjidhje, duke i kthyer në prona të ligjshme të komuniteteve fetare.

Nderim dhe respekt për ikonën e basketbollit shqiptar, Gaz Çaçi

Postuar më: 22 Prill 2017
Ish lojtari i Ekipit Kombëtar të Basketbollit, Mjeshtri i Merituar i Sportit, Gazmend Çaçi, ka marrë titullin “Qytetar Nderi” i Përmetit. Titulli iu dorëzua mjeshtrit të këtij sporti në një ceremoni mjaft të veçantë, të zhvilluar pikërisht në Pallatin e Sportit të qytetit ku lindi ikona e basketbollit shqiptar, në prani të Kryeministrit të Shqipërisë, Edi Rama. Titulli sportistit të shquar iu dorëzua për meritat e tij të jashtëzakonshme në sportin e basketbollit, jo vetëm brenda, por dhe jashtë vendit.

Për Gjirokastrën që duam, qendër kulturore dhe turistike e Shqipërisë

Postuar më: 22 Prill 2017
Grigor dhe Mimoza Çabeli janë dy prindër të përkushtuar, të cilët veç edukimit të fëmijëve të tyre, kanë misionin më fisnik, edukimin e brezave të rinj. Këtë fundjavë, Kryeministri Edi Rama u mikprit në shtëpinë e kësaj familjeje mësuesish në Gjirokastër, me të cilët veç bisedave të rastit shkëmbeu edhe mendime mbi Shqipërinë që kemi dhe Shqipërinë që Duam për gjeneratën tjetër.

Pronar i shtëpisë pas vitesh të gjata pritjeje

Postuar më: 21 Prill 2017
Sadri Gjoka nga Kukësi, si shumë bashkëqytetarë të tij, kishte vite që priste një leje legalizimi për shtëpinë e ndërtuar. Vetëm sot, mundi dhe pritja e tij u shpërblyen me dokumentin që e bën Sadriun pronar të ligjshëm, të shtëpisë ku jeton së bashku me familjen. Sadriu lejen e legalizimit e mori nga Kryeministri Edi Rama, i cili sot ishte mik në shtëpinë e tij.

Kukës, 1170 shtëpi kthehen në kapital

Postuar më: 21 Prill 2017
Ka ende shumë për të bërë, por duke pasur parasysh që procesi i verifikimit të të gjithë vetëdeklarimeve që janë rreth 2800 ka përfunduar, atëherë faza e përpunimit të të dhënave dhe e dorëzimit të lejeve përkatëse do të jetë e shpejtë, që do të thotë që procesi në të gjithë Kukësin do të mbyllet me shpejtësi.

Në Kuvend për Vettingun, bojkotin dhe reformat

Postuar më: 20 Prill 2017
Nuk ka asnjë diskutim për ne, në fakt nuk ka pasur asnjë ditë, mbi çka ne nuk negociojmë. Ne nuk negociojmë Kushtetutën e Republikës së Shqipërisë, që sanksionon lirinë e të drejtën e popullit për të zgjedhur dhe që i detyron partitë politike të paraqiten përpara popullit në datën e përcaktuar nga Kushtetuta.

Përpjekje vullnetmirë për të krijuar hapësirë mundësie për opozitën

Postuar më: 19 Prill 2017
18 qershori nuk diskutohet, ashtu sikundër nuk diskutohet zbatimi me rigorozitet i të gjitha rregullave të përcaktuara nga Kushtetuta, nga ligji zgjedhor. Por, e përsëris, jemi në një kontekst politik të veçantë dhe kemi të bëjmë me një krizë dramatike të Partisë Demokratike. Po mundohemi të bëjmë çmos t’ia lehtësojmë sa më shumë rrugën Partisë Demokratike, për të dalë nga kjo krizë.

Mbështesim projektet e të rinjve që guxojnë

Postuar më: 19 Prill 2017
Ajo që bën diferencën, - theksoi Kryeministri, - është se duhet gjetur mënyra që këto ide të bëhen projekte. Janë projektet që bëjnë të mundur afrimin e partnerëve dhe financimin. Ëalt Disney e thoshte shumë të bukur “dallimin midis ëndrrës dhe realitetit e bën projekti”.

Në rrugën e Rilindjes së Shëndetësisë, një spital modern çel dyert në Tiranë

Postuar më: 19 Prill 2017
Ne do të vazhdojmë të krijojmë partneritete me privatët, pavarësisht akuzave, pavarësisht shpifjeve, pavarësisht gjithë baltës që hidhet, a thua se jemi akoma në kohën kur disa ishin partizanë dhe disa ishin kulakë.

Rilindja Urbane që po transformon Belshin e Cërrikun

Postuar më: 19 Prill 2017
Kantieret e Rilindjes Urbane janë shtrirë edhe në qendrën e lagjet e Cërrikut. Rikualifikimi urban i sheshit të qytetit, kthimi i tij në shëtitore, rehabilitimi i fasadave, një sistem i ri ndriçimi dhe gjelbërimi po transformojmë tërësisht pamjen e zymtë të derisotme të qytetit. Kryeministri Edi Rama inspektoi punimet për rikualifikimin e qendrës, i shoqëruar nga Kryetari i Bashkisë, Altin Toska dhe deputetët e Qarkut të Elbasanit.
Sot është aktiviteti i fundit publik që ne bëjmë për legalizimet. Legalizimet do vazhdojnë, por nuk do ketë më aktivitete publike, sepse në 1 Maj zyrtarisht fillon fushata dhe këto janë aktivitete që nuk duhen përdorur për fushatë dhe ne nuk do t’i përdorim për fushatë. 28-04-2017
Shkruaj Mesazh

Kontakto me Kryeministrin

Shkruaj Mesazh

Reportazhe Eksklusive

Dokumentarë

Reportazhe Eksklusive

Për Gazetarët

Hapësira Mediatike

Për Gazetarët

Raport publik

300 Ditë

Raport publik