Thirrje për shprehje interesi: Pozicion vakant në kuadër të programeve Interreg IPA Adrion dhe Interreg Europe:

Dy (2) Kontrollorë për Zyrën e Përbashkët të Kontrollit të Nivelit të Parë

Në kuadër të programeve Interreg IPA Adrion dhe Interreg Europe 2021-2027, të  bashkëfinancuara nga Bashkimi Evropian përmes Instrumentit të Para-Anëtarësimit (IPA III), Agjencia Shtetërore e Programimit Strategjik dhe Koordinimit të Ndihmës (Shqipëri), fton të gjithë të interesuarit për shprehje interesi për pozicionin vakant të punës si në vijim:

• Dy (2) Kontrollorë të Zyrës së Përbashkët të Kontrollit të Nivelit të Parë (FLCO) për programet Interreg IPA Adrion dhe Interreg Europe 2021-2027, pozicionuar në Tiranë.

Procedura e Aplikimit:

Kandidatët e interesuar duhet të dorëzojnë dokumentet e aplikimit si më poshtë:

• Letër motivimi në anglisht;
• Curriculum Vitae (CV) në formatin Europass në anglisht;
• Fotokopje të Diplomave Universitare (nuk është e nevojshme të jenë të përkthyera);
• Fotokopje të Pasaportës;
• Certifikatë Familjare;
• Dëshmi Penaliteti;
• Fotokopje të librezës së punës;
• Certifikata të trajnimeve, aftësive kompjuterike dhe gjuhësore;
• Dokumente të tjera relevante mbi eksperiencat e mëparshme, të tilla si: letra reference, certifikata, etj.

Për më shumë detaje mbi këtë pozicion si edhe kualifikimet e kërkuara, lutemi të konsultoni Termat e Referencës bashkëlidhur këtij njoftimi.

Kandidatët e interesuar duhet t’i dorëzojnë dokumentet e aplikimit brenda datës  19 shtator 2025, ora 14:00, në adresën si në vijim: Agjencia Shtetërore e Programimit Strategjik dhe Koordinimit të Ndihmës Rruga “Kuvajt”, Tiranë, Shqipëri.

Subjekti: Aplikim për pozicionin “Kontrollor i Zyrës së Përbashkët të Kontrollit të Nivelit të Parë (FLCO) për programet Interreg IPA Adrion dhe Interreg Europe 2021-2027”.

Vetëm kandidatët që përmbushin kriteret do të njoftohen për intervistë.