| 1991 | Shqipëria vendosi marrëdhëniet diplomatike me Komunitetin Evropian; |
| 1992 | U nënshkrua Marrëveshja e Tregtisë dhe Bashkëpunimit midis Shqipërisë dhe BE-së; |
| 2000 | Shqipëria u njoh zyrtarisht nga Bashkimi Evropian si një vend kandidat potencial; |
| 2003 | Në Samitin e Selanikut, krerët e vendeve të BE-së miratuan procesin e Stabilizim-Asociimit, duke konfirmuar kështu perspektivën e anëtarësimit në BE të vendeve të Ballkanit Perëndimor, përfshirë Shqipërinë; |
| 2006 | Më 12 qershor 2006 u përmbyll procesi i negociatave rreth Marrëveshjes së Stabilizim-Asociimit me Shqipërinë (MSA), e cila u nënshkrua në Këshillin e Çështjeve të Përgjithshme (GAC), në Luksemburg; Më 9 nëntor 2006 Komisioni Evropian vendosi të fillojë negociatat për lehtësimin e vizave me Shqipërinë. |
| 2007 | Në Zagreb u nënshkrua më 13 Prill 2007 Marrëveshja për lehtësimin e vizave, që hapi rrugën rregjimit pa viza për qytetarët shqiptarë drejt vendeve të BE-së. |
| 2009 | Më 1 prill 2009 MSA-ja hyri në fuqi. Në po të njëjtin muaj, Shqipëria aplikoi zyrtarisht për anëtarësim në BE; Në nëntor 2009, bazuar në pyetësorin që Komisioni Evropian i dorëzoi Shqipërisë në lidhje me përgatitjen e vendit për anëtarësim, filluan dhe negociatat për marrjen e statusit të vendit kandidat; |
| 2010 | Në maj 2010, pas negociatave midis Komisionit Evropian dhe Qeverisë shqiptare për të arritur konsensusin për liberalizimin e vizave midis palëve, Komisioni propozoi mundësimin e udhëtimeve afatshkurtra pa vizë për shtetasit shqiptarë në Zonën Shengen. Më 8 nëntor 2010, Këshilli miratoi propozimin e Komisionit dhe regjimi pa viza hyri në fuqi më 15 dhjetor 2010. |
| 2012 | Komisioni Evropian propozon dhënien e statusit të vendit kandidat, me kusht përmbushjen e reformave kyçe. |
| 2014 | Më 27 qershor 2014 Shqipëria mori zyrtarisht statusin e vendit kandidat për anëtarësim në BE. Këshilli përcaktoi 5 (pesë) përparësi kryesore: administrata publike, sundimi i ligjit, lufta kundër korrupsionit, krimit të organizuar dhe të drejtat themelore, që Shqipëria duhej të përmbushte përpara fillimit të negociatave të anëtarësimit; |
| 2016 | Më 9 nëntor 2016 Komisioni Evropian i propozoi për herë të parë Këshillit fillimin e negociatave të anëtarësimit me Shqipërinë, i bazuar në arritjet në 5 (pesë) përparësitë kryesore dhe në varësi të progresit në zbatimin e reformës në drejtësi, në veçati të procesit të “vettingut” të gjyqtarëve dhe prokurorëve; |
| 2018 | Më 17 prill 2018, Komisioni Evropian rekomandoi hapjen e negociatave të anëtarësimit me Shqipërinë, në dritën e progresit të arritur dhe të nevojës për ruajtjen dhe thellimin e reformave; |
| 2019 | Më 29 maj 2019 Komisioni Evropian prezantoi Paketën vjetore të Zgjerimit, duke rekomanduar sërish hapjen e menjëhershme të negociatave të anëtarësimit për Shqipërinë; Më 18 tetor 2019 Këshilli Evropian shqyrtoj hapjen e negociatave të anëtarësimit me Shqipërinë dhe vendosi t’i rikthehej kësaj çështjeje përpara majit 2020. |
| 2020 | Më 25 mars 2020, Këshilli i Çështjeve të Përgjithshme të BE-së vendosi të hapë negociatat e anëtarësimit me Republikën e Shqipërisë, duke marrë parasysh progresin e arritur në reformat dhe përmbushjen e kushteve të përcaktuara në unanimitet nga Këshilli i qershorit 2018; Më 26 mars 2020, Këshilli Evropian miratoi vendimin e Këshillit të Çështjeve të Përgjithshme të BE-së për hapjen e negociatave me Shqipërinë; Hapja e negociatave me Shqipërinë kushtëzohet nga BE me zbatimin e reformave në drejtësi, luftën kundër korrupsionit dhe sundimin e ligjit. |
| 2021 | Komisioni vlerëson përparimin në Reformën në Drejtësi dhe Vettingun e Gjyqtarëve dhe Prokurorëve. |
| 2022 | Më 18 Korrik 2022 miratohet nga Këshilli Korniza Negociuese për negociatat me Shqipërinë. 19 korrik 2022 mbahet Konferenca e parë Ndërqeveritare Shqipëri-BE, e cila shënoi zyrtarisht hapjen e negociatave për anëtarësim. |
| 2022-2023 | Pas hapjes së negociatave për anëtarësim, Shqipëria ka treguar një nivel të lartë parapërgatitor duke zhvilluar në kohë rekord 60 takime screening me 657 prezantime për Grup/kapitujt me përfshirjen dhe koordinimin midis 1734 institucioneve. Vlerësimet e Komisionit dhe raportet e screening hapën rrugën për hapjen e Grupkapitujve dhe Qëndimit të Përbashkët që orienton përgatitjen e mbylljes së kapitujve.
Raporti Screening Grupkapitulli I: Themelorët Raporti Screening Grupkapitulli II: Tregu i Brendshëm Raporti Screening Grupkapitulli III: Konkurrueshmëria dhe Rritja Gjithëpërfshirëse Raporti Screening Grupkapitulli IV: Agjenda e Gjelbër dhe Ndërlidhja e Qëndrueshme Raporti Screening Grupkapitullin V: Burimet, Bujqësia dhe Kohezioni |
| 2024 | 15 tetor 2024 u mbajt Konferenca e dytë Ndërqeveritare, Shqipëri-BE, në të cilën u hapën zyrtarisht negociatat për Grupkapitullin I: Themelorët, që përfshin fushat dhe kapitujt negociues:
Kriteri Politik – Funksionimi i Institucioneve Demokratike; Reforma e Administratës Publike; Kriteri Ekonomik; Kapitulli 5 – Prokurimi Publik; Kapitulli 18 – Statistikat; Kapitulli 23 – Gjyqësori dhe të Drejtat Themelore; Kapitulli 24 – Drejtësia, Liria dhe Siguria. Kapitulli 32 – Kontrolli Financiar. Qëndrimi i Përbashkët për Grupkapitullin I
Më 17 dhjetor 2024 u mbajt Konferenca e tretë Ndërqeveritare Shqipëri-BE. Takimi shërbeu për hapjen e negociatave me Shqipërinë për Grupkapitullin VI: Marrëdhëniet me Jashtë, duke përfshirë kapitujt negociues: Kapitulli 30 – Marrëdhëniet me Jashtë; Kapitulli 31 – Politika e Jashtme, e Sigurisë dhe e Mbrojtjes. |
| 2025 | 14 prill 2025 u mbajt Konferenca e katërt Ndërqeveritare Shqipëri-BE, në të cilën u hapën zyrtarisht negociatat për Grupkapitullin II: Tregu i Brendshëm, që përfshin kapitujt negociues:
Kapitulli 1 – Lëvizja e Lirë e Mallrave; Kapitulli 2 – Lëvizja e Lirë e Punëtorëve; Kapitulli 3 – E Drejta e Vendosjes dhe Liria për të Ofruar Shërbime; Kapitulli 4 – Lëvizja e Lirë e Kapitalit; Kapitulli 6 – Legjislacioni për Shoqëritë Tregtare; Kapitulli 7 – E drejta e Pronësisë Intelektuale; Kapitulli 8 – Politika e Konkurrencës; Kapitulli 9 – Shërbimet financiare; Kapitulli 28 – Mbrojtja e Konsumatorit dhe e Shëndetit Publik. Qëndrimi i Përbashkët për Grupkapitullin II
22 maj 2025 u mbajt Konferenca e pestë Ndërqeveritare Shqipëri-BE, në të cilën u hapën zyrtarisht negociatat për Grupkapitullin III: Konkurrueshmëria dhe Rritja Gjithëpërfshirëse, që përfshin kapitujt negociues: Kapitulli 10 – Shoqëria e Informacionit dhe Media; Kapitulli 16 – Tatimet; Kapitulli 17 – Politika Ekonomike dhe Monetare; Kapitulli 19 – Politikat Sociale dhe të Punësimit; Kapitulli 20 – Ndërmarrjet dhe Politikat Industriale; Kapitulli 25 – Shkenca dhe Kërkimi Shkencor; Kapitulli 26 – Arsimi dhe Kultura; Kapitulli 29 – Bashkimi Doganor. Qëndrimi i Përbashkët për Grupkapitullin III
16 shtator 2025 u mbajt Konferenca e pestë Ndërqeveritare Shqipëri-BE, në të cilën u hapën zyrtarisht negociatat për Grupkapitullin IV: Agjenda e Gjelbër dhe Ndërlidhja e Qëndrueshme, që përfshin kapitujt negociues: Kapitulli 14 – Politika e Transportit; Kapitulli 15 – Energjia; Kapitulli 21 – Rrjetet Transevropiane; Kapitulli 27 – Mjedisi dhe Ndryshimet Klimatike. Qëndrimi i Përbashkët për Grupkapitullin IV
17 Nëntor 2025 u mbajt Konferenca e pestë Ndërqeveritare Shqipëri-BE, në të cilën u hapën zyrtarisht negociatat për Grupkapitullin V: Burimet, Bujqësia dhe Kohezioni , që përfshin kapitujt negociues: Kapitulli 11 – Bujqësia dhe Zhvillimi rural; Kapitulli 12 – Politikat e Sigurisë Ushqimore, Veterinarisë dhe Mbrojtjes së Bimëve; Kapitulli 13 – Peshkimi; Kapitulli 22 – Politikat Rajonale dhe Koordinimi i Instrumenteve Strukturore; Kapitulli 33 – Dispozitat Financiare dhe Buxhetore; |
