Indeksimi i pensioneve dhe Bonusi i fundvitit
Nga 1 Tetori pensionistët në të gjithë vendin përfituan një shtesë në pensionin e tyre mujor në masën 8.6 % për të kompensuar rritjen e çmimeve të shportës.
Vendimi i miratuar për këtë qëllim parashikon indeksimin në masën 8.6% të të gjitha kategorive të pensioneve, (pensionet e pleqërisë, pensionet e plota, pensionet e pjesshme, pensionet e reduktuara, ato të invaliditetit, pensionet në qytet, në fshat, pensione që jepen për ndihma të posaçme shtetërore, etj).
Përfitues janë mbi 767 mijë qytetarë në të gjithë vendin. Gjithashtu gjatë muajit dhjetor pensionistët morën 5 mijë lekë shpërblim për festat e fundvitit. Duke filluar nga viti 2024 pensionistët do ta marrin pensionin në bankë me qëllim shmangien e radhëve të gjata dhe lehtësimin e procesit të shpërndarjes së pensionit.
